Ab na woh mahfilen rahin,
Na rahe woh yarane,
Tab dilsaz galiyan sari gulzar thin,
Ab har mod pe taakte hain veerane.
Na zubaan pe haya ki thi bediyan,
Na dil mein afsos-e-berukhi thi tabhi,
Us be-lagaam hayat mein bhi,
Har koi aata tha apnane.
Tune ji li apni zindagi Sabih,
Saari maujen au' ravaani nosh kin,
Ab soch mat aur uth kar tu chal,
Aayen hain kuch sanjeeda log tujhe dafnane.
